Karibu Maadili Kwanza Tanzania(Mkt)

Karibu Maadili Kwanza Tanzania (MKT), taasisi isiyo ya kiserikali inayolenga kuamsha, kujenga na kuimarisha maadili katika jamii ya Kitanzania. Tunaamini kuwa maendeleo ya kweli ya taifa huanza na mtu mmoja mmoja, kupitia maamuzi yenye maadili, uwajibikaji na heshima kwa wengine. Maadili Kwanza Tanzania inafanya kazi kwa kushirikiana na jamii, wadau na taasisi mbalimbali ili kujenga misingi imara ya maadili itakayowezesha vijana na jamii kwa ujumla kustawi kimaisha, kijamii na kiuchumi.

Kuhusu Sisi

Maadili Kwanza Tanzania

Shiriki Kujenga Kizazi Chenye Maamuzi Ya Kimaadili

Jamii yenye maadili haipimwi kwa kukemea uovu, bali kushiriki kwake kutafakari chanzo cha changamoto za kimaadili na kutafuta suluhisho la kudumu kupitia elimu, malezi na majadiliano ya wazi.Kupitia Maadili Kwanza Tanzania (MKT), tunashirikiana na jamii kutoa elimu ya maadili itakayowawezesha watoto na vijana kufikiri, kuamua na kutenda kwa misingi sahihi ya maadili.

Programu Zetu

Maadili Kwanza Tanzania

Vijana Wakishinda Vita Ya Maadili, Taifa Limeshinda

Mapambano ya kuimarisha maadili si kwa ajili ya kuwafurahisha wazazi au viongozi, bali ni jitihada za kuwaamsha vijana watambue nguvu kubwa ya muda, maarifa na uwezo walionao. Taasisi ya Maadili Kwanza Tanzania (MKT) tunaamini kuwa kijana anayejitambua kimaadili hujenga uzalendo wa kweli, heshima kwa wengine na uwajibikaji kwa taifa lake. Tunawawezesha vijana kutumia nguvu zao kujenga maisha yenye mwelekeo, kulinda tunu za taifa na kushiriki kikamilifu katika kuijenga Tanzania kwa manufaa yao wenyewe na vizazi vijavyo.

Wasiliana Nasi

Sisi ni nani ?Kuhusu Sisi

Maadili Kwanza

Maadili Kwanza Tanzania ni taasisi inayojikita katika kushughulikia changamoto za mmomonyoko wa maadili zinazokabili jamii ya leo, hususan kwa vijana. Tunafanya hivyo kupitia tafiti, elimu ya maadili, mijadala ya wazi na programu za vitendo zinazolenga kubadili namna watu wanavyofikiri, kuamua na kuishi.

Tunaamini kuwa maadili si nadharia pekee, bali ni nyenzo ya maisha inayogusa elimu, kazi, mahusiano, afya, uchumi na uongozi. Kupitia mbinu shirikishi, tunawawezesha watu binafsi na makundi mbalimbali kuelewa wajibu wao katika kujenga jamii yenye maadili na mustakabali bora wa taifa.

Uendeshaji wa taasisi unazingatia katiba yake, misingi ya uwazi na ushiriki wa wanachama, huku marekebisho yakifanyika kwa pamoja kadri mahitaji ya jamii yanavyobadilika.